போலி சாமியார் பட்டியலில் பாபா ராம்தேவ் பெயர் இல்லாதது ஏமாற்றம்: திக் விஜய் சிங்

http://www.dinamalar.com/news_detail.asp?id=1854149

Advertisement பதிவு செய்த நாள் 13 செப்
2017
06:59

புதுடில்லி: போலி சாமியார்கள் பெயர் பட்டியலில் பாபா ராம் தேவ் பெயர் இல்லாதது மிகுந்த ஏமாற்றம் அளிக்கிறது என காங்., மூத்த தலைவர் திக் விஜய் சிங் தெரிவித்துள்ளார்.

போலி சாமியார்கள் பட்டியல்:

இந்து சாதுக்கள் அமைப்பான, அகில பாரதிய அகாரா பரிஷத், 14 போலி சாமியார்களின் பெயர் பட்டியலை சில தினங்களுக்கு முன் வெளியிட்டது. மேலும் இப்பட்டியலில் உள்ள போலி சாமியார்களிடம், மக்கள் எச்சரிக்கையாக இருக்க வேண்டும் என்றும் இவர்கள் மீது உரிய நடவடிக்கை எடுக்க, தகுந்த சட்டத்தை மத்திய அரசு நிறைவேற்ற வேண்டும் என்றும் அந்த அமைப்பு தெரிவித்தது.

14 பேர்:

இப்பட்டியலில் ஆசாராம் பாபு, ராதே மா, சச்சிதானந்த் கிரி, குர்மீத் ராம் ரஹீம் சிங், சுவாமி ஓம்ஜி, நிர்மல் பாபா, இச்சாதாரி பீமானந்த், சுவாமி அசீமானந்த், ஆசாராம் பாபுவின் மகன் நாராயணன் சாய், ராம்பால், ஆச்சாரியா குஷ்முனி, பிரஹஸ்பதி கிரி, ஓம் நமசிவாய பாபா, மல்கன் சிங் ஆகிய 14 பேர் இடம் பெற்றிருந்தனர்.

ஏமாற்றம்:

இந்நிலையில் காங்., மூத்த தலைவர் திக் விஜய் சிங், டுவிட்டரில் தெரிவித்ததாவது: போலி சாமியார்கள் பெயர் பட்டியலில் பாபா ராம் தேவ் பெயர் இல்லாதது மிகுந்த ஏமாற்றம் அளிக்கிறது. போலியான பொருட்களை விற்று நாட்டு மக்களை அவர் ஏமாற்றி வருகிறார். இவ்வாறு அவர் பதிவிட்டுள்ளார்.

Advertisement Advertisement

(Visited 4 times, 1 visits today)
இந்த பதிவை முழுமையாக படிக்க

Leave a Reply

Your email address will not be published. Required fields are marked *